Burmary@Sun

" အ စွဲ သ န် ရ င် ၊ အ ဆွဲ ခံ ရ မယ် " အရှင်ဆန္ဒာဓိက - ရွှေပါရမီတောရ      ဒါ့ကြောင့် ချစ်စွဲနဲ့ သေရင် အသေမလှဘူးဆိုတာက အကုသိုလ်ကံ တွဲထင်လို့ အပါယ်လေးဘုံရောက်တာ အသာထားလိုက်။ လူပြန်ဖြစ်တယ်ဆိုရင်တောင်မှ ကိုယ့်ကံက ပေးတဲ့ အဆင့်မြင့်ဘဝကို မရဘဲနဲ့ ကိုယ့်တဏှာက ပေးတဲ့ အဆင့်နိမ့်ဘဝကို ရသွားတတ်တယ်။       ရိုးရိုးပုထုဇဉ်ဆိုတာ အသာထားပါလေ။ ဝေဠုဝန်ကျောင်းဒကာကြီး ဗိဗ္ဗိသာရမင်းဆိုတာ သောတာပန်ကျောင်းဒကာကြီးပါ။                 သောတာပန်လည်း ဖြစ်တယ်။ ကျောင်းတွေလည်း ဆောက်လှူထားတယ်။ သာသနာတော်ကိုလည်း ဆွမ်း၊ သင်္ကန်း၊ ကျောင်း၊ ဆေး ပစ္စည်းလေးပါးနဲ့ အမြဲတမ်း လှူဒါန်းထောက်ပံ့နေတယ်။ ရတနာသုံးပါးအာရုံ၊ ကုသိုလ်အာရုံ၊ နိဗ္ဗာန်အာရုံ၊ အာရုံကောင်းတွေနဲ့ အမြဲတမ်းနေတဲ့ သောတာပန်ကျောင်းဒကာကြီးဆိုတော့ သေလို့ရှိရင် ဘယ်ဘုံလောက်တော့ ရောက်သင့်တုံး။ တုသိတာနတ်ဘုံကို ရောက်သင့်တာ။          တုသိတာ ဆိုတဲ့ ပါဠိစကားလုံးလေးက နှစ်သက်စရာ ကောင်းတယ်၊ မွေ့လျော်စရာကောင်းတယ်၊ ကြည်နူးစရာကောင်း တယ်လို့ ဆိုလိုပါတယ်။ နတ်ပြည်ခြောက်ထပ်ထဲမှာ နှစ်သက်စရာ အကောင်...

" နေရပ်မသေချာပေမယ့် အနေရပ်သေချာပါတယ် " တရားတော် အရှင်ဆန္ဒာဓိက- ရွှေပါရမီတောရ    တစ်ခုခုက၊ သို့မဟုတ်တစ်ယောက်ယောက်က သိပ် ကောင်းတယ်ဆိုရင် အသေကောင်းတယ်။ တစ်ခုခုက၊ သို့မဟုတ်တစ်ယောက်ယောက်က သိပ်ဆိုးတယ်ဆိုရင် အသေဆိုးတယ်။ တစ်ခုခုကို၊ သို့မဟုတ် တစ်ယောက်ယောက်ကို သိပ်ကြိုက်တယ် ဆိုရင် အသေကြိုက်တယ်။ တစ်ခုခုကို၊ သို့မဟုတ် တစ်ယောက် ယောက်ကို သိပ်ရွံတယ်ဆိုရင် အသေရွံတယ်။ တစ်ခုခုက၊ သို့မဟုတ် တစ်ယောက်ယောက်က အရမ်းမိုက်တယ်ဆိုရင် အသေမိုက်တယ်။ တစ်ယောက်ယောက်ကို အရမ်းချစ်တယ်ဆိုရင် အသေချစ်တယ်။ တစ်ယောက်ယောက်ကို အရမ်းမုန်းတယ်ဆိုရင် အသေမုန်းတယ်။ အရပ်ထဲမှာ အဲဒီလို ပြောလေ့ရှိတယ်။ အသေလှတဲ့သူ ဆိုတော့ အရမ်းလှတဲ့သူလို့ ထင်နေမှာစိုးလို့နော်။ အသေလှတဲ့သူဆိုတာ အရမ်းလှတဲ့သူ၊ သိပ်လှတဲ့သူ၊အင်မတန်လှတဲ့သူလို့ ဆိုလိုတာ မဟုတ်ပါဘူး။       အသေလှတဲ့သူ ဆိုတာ လှလှပပ သေတဲ့သူ၊ ကောင်းကောင်းမွန်မွန် သေတဲ့သူ၊ မြင့်မြင့်မြတ်မြတ် သေတဲ့သူ၊ ထူးထူးခြား ခြား သေတဲ့သူလို့ ဆိုလိုပါတယ်။        မွေးဖွားလာတဲ့သူတိုင်း တစ်နေ့နေ့ တစ်ချိန်ချိန်မှာ ဧကန်မုချသေကြရမှာဖြစ်လို့ နေ့စဉ်နဲ့အမျှ သတ္တဝါတွေ သေနေကြပါတယ်။နေ့စဉ်န...